«О блаженная мати Матроно,услыши и приими ныне нас, грешных, молящихся тебе,навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих,скорое поможение и чудесное исцеление всем подавающи;да не оскудеет и ныне милосердие твое к нам, недостойным, мятущимся в многосуетнем мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго,помоги донести житейский свой Крест,снести вся тяготы жития и не потеряти в нем образ Божий, веру православную до конца дней наших сохранити,упование и надежду на Бога крепкую имети и нелицемерную любовь к ближним; помоги нам по отшествии из жития сего достигнути Царствия Небеснаго со всеми угодившими Богу,прославляюще милосердие и благость Отца Небеснаго,в Троице славимаго, Отца и Сына и Святаго Духа, во веки веков. Аминь.»
Молитва Матроне о помощи в любви
«О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца, и Сына, и Святаго Духа, ныне и присно и во веки веков. Аминь.»
Молитва Матроне о любви
«Моли Бога обо мне, святая Матрона, яко усердно молюсь тебе, блаженная помощница наша. Моли Всевышнего, дабы направил меня по верному пути и позволил встретить любовь мою. Помоги нам пройти все испытания наши, защититься от недругов. Моли Господа нашего, чтобы не забирал любовь у нас, сердце согревающую, душу очищающую. Аминь».